ავტორი: ლუკა ამბალია
ახალგაზრდა და ნიჭიერი ფეხბურთელი გოგონები, ელიზაბეტ რიჟამაძე, თინათინ ამბალია, მარიამ ცისკარიშვილი და მარიამ გასანოვა, რომლებმაც მოედანზე წარმატება უკვე მოიპოვეს, ჰყვებიან საკუთარ გამოცდილებაზე, სტერეოტიპებზე, სამომავლო გეგმებსა და ოცნებებზე. მათი თითოეული ისტორია ასახავს მონდომებასა და თავდადებას, რომელმაც ისინი ფეხბურთამდე მიიყვანა.
ნაკრებში პირველი გამოძახების ემოცია განსაკუთრებულია თითოეული მათგანისთვის. ისინი იხსენებენ თუ როგორ დაძლიეს შიშები და როგორ გახდნენ სპორტის ამ სახეობის მოყვარულები. მათი მიზანია არა მხოლოდ საქართველოს სახელის გატანა საერთაშორისო ასპარეზზე, არამედ ქალთა ფეხბურთის პოპულარიზაციაც, რათა უფრო მეტი გოგონა დაინტერესდეს ამ სპორტით.
„ფეხბურთი არ არის მხოლოდ მამაკაცების თამაში,“ – ამბობენ გოგონები, რომლებიც დღეს წარმატებით თამაშობენ საქართველოს ნაკრების შემადგენლობაში. იციან, რომ წინ უამრავი სირთულე ელოდებათ, მაგრამ ეს მათ კიდევ უფრო აძლიერებს.
ფეხბურთი მხოლოდ სპორტი არ არის, ეს არის გზა, რომელიც აერთიანებს, აძლიერებს და ქმნის ისტორიებს. ამ ახალგაზრდა ფეხბურთელების გზაც მხოლოდ ახლა იწყება.
